Qiproja po kërkon ndihmë nga Kombet e Bashkuara për të ndaluar kolonat e emigrantëve që kalojnë rrugën nga veriu i ishullit të ndarë etnikisht, përmes zonës tampon të kontrolluar nga OKB-ja, tha ministri i Brendshëm, Nicos Nouris.
Ai tha se 94 për qind e 15,130 emigrantëve që i paraqitën kërkesa qeverisë së njohur ndërkombëtarisht të ishullit të ndarë në Evropën Jugore, kishin kaluar zonën tampon deri në gusht të këtij viti, që është dy herë më shumë se në të njëjtën periudhë të vitit të kaluar.
Juridiksioni i paqeruajtësve
Nouris do të udhëtojë në New York këtë javë, për takime me zyrtarë të OKB-së, për t’i informuar në detaje për situatën, raporton AP.
OKB-ja nuk ka një mandat nën misionin e saj paqeruajtës 58-vjeçar në Qipro për të kryer operacione që synojnë ndalimin e fluksit të emigrantëve përmes zonës tampon.
Paqeruajtësit kanë juridiksion ekskluziv mbi 180 kilometra “tokë të askujt”. /tesheshi.com/
