“Unë nuk jam asnjëherë i kënaqur as me veten time lërë më me drejtuesit politikë”, ishte fraza e kreut të mazhorancës Edi Rama, përcjellë gazetarëve në një prononcim të shkurtër në selinë rozë.
Ai mblodhi shtabin elektoral të partisë së tij, duke thënë se “është koha për të intensifikuar komunikimin me njerëzit dhe punën që të vazhdojmë të përmirësojmë marrëdhëniet e pushtetit qendror dhe vendor me bazën”.
Një ditë më parë në Vlorë, Rama kërkoi përmisim të cilësisë së shërbimeve publike, aty ku njerëzit marrin një ndër impaktet në ballafaqim me shtetin.
Rama synon mandatin e tretë më prill, ndërsa opozita ka bindjen se as kësaj here nuk do prishet rregulli i pashkruar i vetëm dy mandateve për secilën palë. /tesheshi.com/
