Zgjedhjet parlamentare në Mal të Zi duken të jenë fituar nga partia e kryeministrit Milo Gjukanoviç. Me 80 për qind të votave të numëruara, partia qeverisëse ka marrë shumë se 40 për qind të tyre, një shifër që nuk ia mundëson qeverisjen e vetme.
Sipas përshkrimit të BBC-së, Gjukanoviç e ka cilësuar votimin një zgjedhje mes bërjes së Malit të Zi anëtar i NATO-s dhe i BE-së ose kthimit në një “koloni ruse”.
Aleanca e Frontit Demokratik, partia kryesore opozitare, me qasje proruse, parashikohet të fitojë mbi 20 për qind të votave. Një tjetër grupim opozitar, paksa më i moderuar, ka marrë 11 për qind të votave.
Pjesëmarrja në votime ka qenë mbi 70 për qind, disi më e lartë se në zgjedhjet e katër viteve të shkuara.
Zgjedhjet e së dielës janë shoqëruar me arrestimin e 20 serbëve, të akuzuar se kërkonin të kryenin sulme të armatosura pas mbylljes së votimeve.
Një zhvillim që e ka detyruar ministrin e Brendshëm t’u bëjë thirrje mbështetësve të çdo partie fituese që të mos festojnë në rrugë. /tesheshi.com/
