Ka ardhur pas shumë kohësh një njohje e radhës e pavarësisë së Kosovës. Eshtë Xamajka, një shtet amerikano-latin, i cili, siç e dha lajmin e parë presdenti Thaçi, njohu pavarësinë e Kosovës, e kjo 13 vite pas shpalljes së saj.
“Xhamajka e ka njohur Pavarësinë e Kosovës, si shtet sovran dhe i pavarur. Ky është rezultat i një pune të vështirë të lobimit disavjeçar, përfshirë edhe Eliot Engel. Punë e mirë. Faleminderit miq të dashur nga Kingstoni”, ka shkruar Thaçi.
Po me kaq entuziazëm reagoi dhe ministri i Jashtëm Glauk Konjufca.
“Shpreh mirënjohjen më të lartë qeverisë dhe popullit të Xhamaikës për vendimin miqësor e shumë të mirëpritur për njohjen e Republikës së Kosovës. Njohja e Republikës së Kosovës është një moment i veçantë i miqësisë në mes të vendeve tona.
Qeveria e Republikës së Kosovës do të përcjellë, përmes kanaleve diplomatike, gatishmërinë për të inicuar lidhjen e marrëdhënieve diplomatike në mes të dy vendeve tona dhe për të thelluar miqësinë dhe bashkëpunimin në mes të dy shteteve dhe popujve tanë”, shkroi Konjufca.
Ndodh kjo ndërsa prej kohësh Serbia është investuar në një proces ç’njohjesh, ç’ka solli si reagim dhe vënien e taksës. /tesheshi.com/
