Qeveria Zaev, me zgjidhje për Jugohrom-in e tmerrshëm të Pollogut

Drejtuesit e sindikatës së të punësuarve në “Jugohrom” realizuan së fundi një takim me kryeminsitrin Zoran Zaev, të cilit i kanë kërkuar që qeveria t’i lejojë kompanisë të punojë gjatë kësaj periudhe derisa nuk ka ndotje të ajrit dhe paralelisht të angazhohet në vendosjen e filtrave ekologjik. Dhe sipas tyre, është marrë premtimi nga kreu i qeverisë se se kjo çështje do të zgjidhet së shpejti, pa u dëmtuar interesta e qytetarëve sa i përket ndotjes së ajrit.

“Bisedat ishin konstruktive, gjatë tan kohës qoftë kryeminsitri apo ministrat tjerë, kanë mendim pozitiv për zgjidhjen e problemit të Jugohromit, por ata duan që të mos shkelen edhe interesat e qytetarëve sa i përket ndotjes. Ato u shprehën dhe janë optimistë se do ta zgjidhin pa marr parasysh mënyrën. Na thanë se problemi i Jugohromit do të zgjidhet patjetër, dhe Jugohromi do të fillojë punë së shpejti”, tha kryetari i Sindikatës Bajram Hamiti.

Por drejtuesit e sindikatës pranojnë se pronarët e kompanisë po i stërzgjasin punët për ndërtimin e filtrave, proces që mund të përfundojë vetëm deri vitin e ardhshëm.

“Pak edhe pronari disa punë po i zhagit, por besoj se tani do t’i përshpejtojë disa procese”, shtoi Hamiti.

Qeveria, vendimin përfundimtar pritet ta marrë javën e ardhshme pas takimit me pronarët e kompanisë, theksuan sindikalistët e Jugohrom-it pas takimit me kryeminsitrin Zaev. /tesheshi.com/