Qeveria e Kosovës pritet që të propozojë për votim të premten në Kuvend ndryshimet kushtetuese që i hapin rrugën krijimit të Gjykatës Speciale për krime lufte, e kërkuar me këmbëngulje nga ndërkombëtarët dhe OKB.
“Përmbushja e obligimeve ndërkombëtare nga ana e Republikës së Kosovës në këtë drejtim, në asnjë mënyrë nuk e konteston luftën e drejtë të Ushtrisë Çlirimtare të Kosovës dhe nuk do të cënojë vlerat e luftës së popullit të Kosovës”, thuhet në komunikatën e publikuar nga Qeveria.
Ndryshimet kushtetuese nuk mundën të miratohen në seancën e 26 qershorit në Kuvend, për mungesë të 5 votave, nga radhët e ligjvënësve të Partisë Demokratike të Kosovës.
Pas takimit të një dite më parë të Thaçit me deputetët e partisë së tij, vjen edhe njoftimi i Qeverisë për procedimin e amendamenteve të Gjykatës Speciale. /tesheshi.com/
