Qeveria shqiptare: Pse po marrin Javelin-in amerikan

Është bërë e qartë tashmë që dhe Ushtria Shqiptare do marrë Javelinët e famshëm amerikane, raketat antitank, të cilat po korrin sukses në duart e ukrainasve kundër ushtrisë ruse.

Kështu, në sqarimin më të fundit qeveritar, bëhet me dije se po armë po merret dhe nga Shqipëria.

Ministri i Mbrojtjes Niko Peleshi, pas përfundimit të mbledhjes së qeverisë u shpreh se pajisja e Shqipërisë me këto raketa ka qenë e planifikuar që më parë, megjithëse e pranoi se agresioni rus e ka detyruar vendin të shtojë përpjekjet për modernizimin e forcave të armatosura.

“Ka qenë e planifikuar më parë, para se të fillonte rreziku, agresioni. Nuk ka lidhje direkt me agresionin. Por agresioni rus në Ukrainë na ka vënë para një fakti që është shtimi i përpjekjeve dhe buxheteve për modernizimin e forcave të armatosura.

Në mos ky projekt, projekte të tjera kanë lidhje me agresionin.

Shqipëria është e sigurt, është aleate në NATO. Nuk është se kemi një kërcënim konkret para të cilave duhet të përgjigjemi me mjetet tona të brendshme. Ne jemi në NATO dhe artikulli 5 i NATO mbron çdo territor të shtetit anëtar”, ishte arsyetimi i Peleshit. /tesheshi.com/