Pas akuzës të opozitës se me paratë e shqiptarëve qeveria ka paguar prestigjozen “The Economist” për reklamë të vetvetes, por plot të pavërteta, ka reaguar kabineti Rama duke u shprehur se kjo u bë për të nxitur ardhjen e investimeve të huaja.
Sipas qeverisë shqiptare, numri special i “The Economist”, aty ku ndodhet dhe shkrimi mbi Shqipërinë, do shpërndahet në Samitin e Davosit, dhe kjo sipas saj është një rast ideal.
Këtë praktikë, thotë ajo, e kanë ndjekur dhe vende si Maqedonia, Kroacia, Turqia apo Serbia.
Ndërsa sa i përket atyre që shkruhen aty mbi Shqipërinë, qeveria thotë se The Economist”, si një prej revistave më prestigjioze dhe me lexueshmëri të lartë në shkallë botërore, nuk mund të publikojë asnjë informacion që nuk është i vërtetë, i paverifikuar, apo që nuk është shkruar nga gazetarë të certifikuar të saj. /tesheshi.com/
