Qeveria “Rama”ka dalë totalisht në fushatë elektorale.
Kryeministri ka mbledhur mësuesit sot dhe u ka premtuar rritje pagash 10% si një nimsë që shpreson të tërheqë mbështetjen e masës më të madhe të nëpunësve që paguhen nga buxheti i shtetit.
“Kjo nuk është rritje page, por reformë në administratën publike, në arsim. Për herë të parë do të kalojmë në një rritje reale”, tha ministry i Financave, Arben Ahmetaj.
Ndërsa kryeministri Edi Rama, tha se ky sistem ka bërë një “kthesë historike”.
“Gjetëm një analfabetizëm institucional prej 60 për qind dhe një arsim të transformuar në një sistem grabitjeje të parave të prindërve dhe ëndrrave të të rinjve”, ka thënë Rama.
“E përsëris, për inatin e të gjithë atyre që pasi kanë dështuar për vite të tëra kanë drejtuar gishtin e akuzës ndaj ministres së Arsimit, duke theksuar se është falë lidershipit të saj që ne sot jemi në kushte të tilla ku mund të themi se në arsim kemi shënuar një kthesë historike në çdo aspekt. Kemi marrë kthesën në drejtimin e duhur për ta transofrmuar arsimin në Shqipëri në një instrument rritjeje ekonomike e shoqërore”, deklaroi kryeministri.
/tesheshi.com/
