Qeveria rajonale e kurdëve të Irakut apeloi militantët kurdë që luftojnë Turqinë të largohen nga territori i rajonit për të shmangur humbjet e jetëve të civilëve.
Me anë të një deklarate, Qeveria e rajonit apeloi PKK, bazat e së cilës gjenden në malet Qandil e që janë targetuar në sulmet e fundit ajrore turke, të largohen.
“PKK duhet të tërhiqet nga rajoni kështu që civilët kurdë të mos bien viktima të përplasjeve”, thuhet në deklaratën e Qeverisë.
“PKK duhet ta mbajë larg fushën e betejës nga rajoni. Vazhdimësia e luftimeve dëmton më së shumti civilët”, vijon deklarata.
Qeveria dënon edhe sulmet turke, që kanë shkaktuar viktima mes civilëve, duke apeluar Ankaranë të mos i përsërisë sulme të tilla.
Qeveria rajonale kurde në Irak ka lidhje të ngushta me Ankaranë dhe më parë ka bërë tregti nafte përmes Turqisë./tesheshi.com/
