Nga Shkodra, qeveria ripërsëriti ofertën për t’u trajnuar në shkolla profesionale, plus 55 mijë lekë shpërblim.
Me gojën e ministrit Ahmetaj, në hapje të Panairit të Punës në qytetin verior, u tha se vetëm në qarkun e Shkodrës dhe Lezhës janë 1200 vende të lira pune për teknikë të ndryshëm, e që sipas tij shumë investitorë të huaj ankohen se në Shqipëri nuk mund të gjejnë dot forcë punëtorë të kualifikuar.
“55 mijë lekë në muaj për këdo që vjen të trajnohet në qendrat apo shkollat profesionale. më shumë edhe se sa ndihma ekonomike. Vetëm hajdeni të trajnoheni 1 muaj dy muaj, 6 muaj në mënyrë që kur të merrni atë certifikatë të jeni më të punësueshëm”, tha kreu i Ekonomisë dhe Financave, i cili u bëri thirrje Zyrave të Punës që kontaktojnë të papunët për t’i bindur që të regjistrohen në qendrat e formimit professional. /tesheshi.com/
