Mes shumë dëmeve që shkaktoi një përmbytje e paprecedentë në Vlorë, afro një muaj më parë, prej shirave të rrëmbyeshëm të një dite, u veçua dhe dalja jashtë funksionit e një prej monumenteve simbol të trashëgimisë fetare në këtë qytet: xhamia 500-vjeçare e Muradijes.
Uji depërtoi në të duke shndërruar në të papërdorshme. E tillë është dhe aktualisht. Por qeveria i është qasur asaj me gadishmërinë për ta ripërtërirë, sipas një premtimi të dushes Çuçi-Gonxhe, njëri drejtues politik në Vlorë e tjetri ministër linje.
“Ministria e Ekonomisë Kulturës dhe Inovacionit po bën gati projektin e restaurimit të Xhamisë së Muradijes në Vlorë. Bashkë me ministrin Gonxhja dhe kryebashkiakun Dredha pamë nga afër dëmtimet e shkaktuara nga përmbytjet e disa javëve më parë. Punimet do të nisin në vitin 2025 dhe ky monument kulture me vlera të çmuara do të jetë sërish në shërbim të besimtarëve dhe turistëve”, shkruan Çuçi. /tesheshi.com/
