Një skandal jo i vogël është zbuluar së fundi në Kosovë.
Disa diplomatë të rëndësishëm janë lënë pa siguracion shëndetësor nga qeveria “Mustafa”.
Ka qenë “Kallxo.com”, që ka denoncuar rastin, i cili pranohet edhe zyrtarisht nga qeveria.
“Mund të themi se gati të gjitha misionet diplomatike dhe konsullore posedojnë sigurime shëndetësore, përjashtimisht atyre që u ka skaduar kontrata dhe janë në proces të ripërtëritjes së kontratës, apo lidhjes së kontratës së re pas aprovimeve që i bën Zyrtari Kryesor Administrativ”, thekson Ministria e Jashtme e Kosovës.
Përveç ambasadorëve dhe stafit diplomatik e konsullor, sigurimi shëndetësor jepet edhe për familjarët e tyre si dhe për stafin administrativo-teknik në këto misione.
Në tetor të vitit 2014, kur Koosva hyri në krizë politike pas zgjedhjeve të 8 qershorit të këtij viti, pesë ambasada nëpër shtete të ndryshme të Evropës mbetën pa rroga për dy muaj. /tesheshi.com/
