Qeveria miratoi nxjerrjen në shitje të kompanisë publike të Sigurimeve, INSIG në masën 100 për qind. Vendimi është marrë pas propozimit të ministrisë së Zhvillimit Ekonomik dhe në të përcaktohen edhe kriteret e vlerësimit të ofertave.
Peshën më të madhe në vlerësim, gati 80 për qind, e përbën çmimi i ofruar, ndërsa plani i biznesit dhe cilësia e blerësit kanë respektivisht nga 10 pikë.
Të gjithë subjektet që do të marrin pjesë në tender do të duhet të garantojnë ofertën me një depozitë fikse prej 30 milionë lekësh.
INSIG përbën një prej pak kompanive me pronësi publike. Për shkak të hyrjes në treg të shumë kompanive private të sigurimeve, pasha e INSIG në treg është rrudhur, ndërsa ka pasur disa tentativa për shitjen e tij por pa sukses. /tesheshi/
