Për herë të parë, qeveria ka shprehur një pezm në lidhje me Reformën në Drejtësi, e konsideruar si një lloj krenarie prej saj.
Sipas ministres së Drejtësisë Etilda Gjonaj, ajo po zgjat më tepër se ç’duhet.
“Sa i përket reformës në drejtësi, mendoj që periudha tranzitore ka zgjatur më tepër se ç’duhet”, tha Gjonaj në një takim me gazetarët.
Nga ana tjetër, ajo vlerësoi nga kjo reformë krijimin e SPAK-ut.
“Ky vit ka shënuar dy rezultate të rëndësishme SPAK dhe zgjedhja e Prokurorit të Përgjithshëm. Jam betuar që në ditën e parë të reformës që pavarësia e drejtësisë është e shenjtë”, tha Gjonaj.
Ndërsa përe Gjykatën Kushtetuese, aty, ku është dhe ngërçi më madh, ajo tha se duhet pritur Venecia.
“Duke shprehur që kjo gjë të zgjidhet, që Gjykata Kushtetuese të funksionojë sa më shpejt”, shtoi Gjonaj. /tesheshi.com/
