Me gojën e zërit të zëdhënëses Spiropali, njëherësh ministre për marrëdhëniet me parlamentin, qeveria kumtoi se shqiptarëve u mbetën në xhepa 50 milion euro vetëm në janar, si shkak i mbylljes së lojrave të fatit.
“Pra në janar të vitit 2019, për shkak të ndalimit të bixhozit në Shqipëri janë kursyer afro 50 milionë dollarë nga shtëpitë e shqiptarëve”, tha Spiropali, duke ofruar një pasqyrë qeveritare të efektit nga ndalimi i bixhozit.
Ajo bëri një krahasim me një vit më parë, duke thënë “se në janar të vitit 2018, nga financat e familjeve shqiptare kanë shkuar në arkat e organizatorëve të lojërave të fatit apo basteve sportive plot 13 milionë dollarë, rreth 1.3 mld lekë, një shifër që shkonte në mbi 35 milionë dollarë po të llogarisësh edhe aktivitetet e bixhozit në të zezë”. /tesheshi.com/
