Politika maqedonase në pushtet ka ndërmarrë një tjetër hap kundrejt paktit të Tiranës, atij që ndryshe e quajnë Deklaratë e Përbashkët apo Platforma Shqiptare, ndërmarrë nga krerët e forcave kryesore politike në Maqedoni, pikërisht në zyrën e kryeministrit Rama.
Shkupi zyrtar ka sulmuar së fundi me një gjuhë të ashpër dyshen Rama-Bushati dhe kjo ka ndodhur pas Ministria e Jashtme në Shkup ka thirrur në takim ambasadorin e Shqipërisë Fatos Reka, pikërisht për t’i bërë të ditura qëndrimet e saj.
“Në takim është potencuar se deklaratat e Kryetarit të Qeverisë dhe Ministrit të Punëve të Jashtme për binacionalitetin dhe ndryshimin e Kushtetutës së Maqedonisë, janë përzierje e hapur në çështjet e brendshme të Maqedonisë. Etiketimi i maqedonasve si ‘sllavo-maqedonas’ është ofenduese dhe diskriminues ndaj maqedonasve dhe gjithë qytetarëve të Maqedonisë. Është theksuar se mesazhet e tilla, janë provokim i rëndë për fqinjësinë e mirë të cilën dëshirojmë ta kultivojmë. Këto sjellje shkaktojnë dëm në marrëdhëniet në rajon dhe nxisin retorik ekstremiste. Ajo çfarë na duhet në rajon, është të bashkohemi rreth integrimit në BE, paqe dhe zhvillim ekonomik”, thuhet në komunikatën e MPJ-së. /tesheshi.com/
