Në një Kongres Arsimi, në ditën e parë të sezonit të ri shkollor. ministrja Evis Kushi pranoi fenomenin e ikjes, duke kujtuar se ka përfshirë gjithë rajonin dhe jo vetëm Shqipërinë.
Duke e trajtuar si një fenomen kompleks, ajo përmendi ndër arsye joshjen e vetë atyre vendeve, ku veçoi Gjermaninë, të cilat tashmë vuajnë nga plakja e popullsisë.
“Përveç krizës globale, ne këtu në Shqipëri po përballemi edhe me një tendencë tjetër, një sfidë tjetër. Një tendencë në fakt me të cilën po përballet i gjithë rajoni ballkanik. Një pjesë e të rinjve largohen nga rajoni për studime apo për punësim, drejt vendeve perëndimore siç është Gjermania, por jo vetëm. Vende të cilat duke qenë drejt plakjes së popullsisë, e duke pasur nevoja në rritje në tregun e punës, kanë hapur dyert për të rinjtë tanë, veçanërisht për mjekët, për infermierët, por edhe për profesione të tjera të kohës”, theksoi Kushi.
Gjithsesi, sipas saj, qeveria do bëjë çmos për mbajtjen e të rinjve këtu.
“Kemi përgatitur disa programe: për programe të përbashkëta të dyfishta me universitete europiane, si dhe qendra kërkimore, me qëllim për t’i dhënë vlerë diplomave tona.
Politikë tjetër, bursat e studimit për progamet prioritare, mësuesi, bujqësi, turizëm, me kushtin që studentët pas studimeve të qëndrojnë në vendin tonë”. tha Kushi ndër të tjera. /tesheshi.com/
