Qeveria e Kosovës përmes një komunikate për mediat shprehet se përkundër vullnetit të kryeministrit Mustafa dhe qeverisë që të raportonin para deputetëve dhe qytetarëve, opozita në kundërshtim me mandatin, kushtetutën dhe rregulloren e punës së Kuvendit, e bënë të pamundur raportimin.
“Qeveria e Kosovës konsideron se Kuvendi duhet të krijojë kushte për raportim, në bazë të kushtetutës dhe të ligjeve, si dhe vlerëson se askush nuk ka të drejtë të pamundësojë punën e institucioneve kushtetuese të Kosovës,” thuhet në reagimin e kryeministrisë.
Po ashtu Qeveria, ka dënuar aktet e dhunës dhe veprimet e sotme të deputetëve të opozitës. “Sjellja e sotme nuk është aspak në dobi të qytetarëve dhe të vendit tonë,” thuhet në reagim.
Kryeministri dhe qeveria e Kosovës kanë shprehur gatishmërinë që kurdo që lejojnë rrethanat në kuvend, të raportojë për marrëveshjet e nënshkruara në Bruksel. /tesheshi.com/
