Ramush Haradinaj dhe partia e tij AAK-ja, në vazhdimësi kritikuan qeverinë “Mustafa” për numrin e ministrave e këshilltarëve, por me të marrë pushtetin po ndjek rrugën e njëjtë, ku së bashku me partitë tjera të koalicionit qeverisës po stërmbushin ministritë me militantë duke i reahtuar në pozita të ndryshme.
Haradinaj dhe ministrat e tij do t’i kenë në dispozicion rreth 200 këshilltarë. Ndërsa kryeministri u ka gjetur punë 16 këshilltarëve në kabinetin e tij, ministri i Arsimit, Shqyiri Bytyqi nga NISMA tashmë në kabinet ka “rehatuar” 7 këshilltarë politikë dhe dy asistente ekzekutive, shkruan “Zëri”.
Nga 7 deri në 10 këshilltarë pritet t’i kenë edhe 20 ministrat tjerë të kësaj qeverie, përderisa paga e një këshilltari të ministrit sillet në 600 euro derisa këshilltarët e kryeministrit marrin pagë mujore prej rreth 1500 eurosh.
Sipas një kalkulimi të thjeshtë del se për pagat e këshilltarëve të kryeministrit dhe të ministrave brenda vitit nga buxheti i Kosovës shpenzohen rreth 2 milionë euro.
Përveç numrit të madh të ministrive, qeveria “Haradiaj” pritet t’i ketë rreth 50 zëvendësministra, të cilët po ashtu kanë të drejtë të emërojnë asistentë. /tesheshi.com/
