Parlamenti tunizian i ka dhënë mbështetje qeverisë së re së unitetit kombëtar me votimin e djeshëm, ku 167 vota kanë qenë pro, 22 kundër, e pesë të tjera abstenime.
Kalimi me sukses i mocionit të besimit për qeverinë e re u jep fund negociatave që zgjasin prej tre muajsh.
Qeveria e re pritet ta nisë detyrën në ditët e ardhshme, e kryesuar nga Youssef Chahed, që në të dyzetat e tij bëhet kryeministri më i ri tunizian që prej fitimit të pavarësisë nga Franca në vitin 1956.
Një anëtar i partisë Nida, Chahed është kryeministri i shtatë i Tunizisë në më pak se gjashtë vite.
Kabineti i tij prej 27 anëtarësh përfshin figura nga të gjitha partitë. Gjashtë prej anëtarëve të qeverisë janë femra, ndërsa pesë ministra janë nën moshën 35 vjeç.
Ekonomia dhe siguria janë dy sfidat kryesore të qeverisë së re. /tesheshi.com/
