I vetëdijshëm se vendi po ec drejt një krize të re politike, presidenti i AKR-së Behgjet Pacolli, parti kjo në koalicion parazgjedhir me LDK-në dhe Alterativa-n ka propozuar një marrëveshje siç e quan ai, historike për formimin e qeverisë.
Pacolli ka propozuar që të organizohet një tryezë me liderët e partive të mëdha të vendit dhe minoriteteve, për të diskutuar rreth planit një vjeçar të ekzekutivit në të cilin do të përfshihen çështjet me rendësi të vendit.
Pacoilli në Facebook ka porositur liderët e partive që të vënë interesin e popullit në rend të parë dhe të mos i zvarrisin proceset për formimin e everisë.
“Ja propozimi im për një Marrëveshje Historike!
Të organizohet një tryezë me krejt liderët e partive të mëdha politike, Vetëvendosje-s, LDK, PDK, AAK, NISMA-s, AKR dhe partive të minoriteteve.
Të vendoset për Planin e Veprimit një vjeçar të punës së qeverisë, pos punëve të tjera të administrimit të përditshëm që do të përfshinte: Demarkacionin, Asosacionin, lëvizjen e lirë pa viza, ligjin e ri zgjedhor, zgjedhjen e presidentit nga populli, ndryshimet kushtetuese (themelimi i ushtrisë, ristrukturimi i administratës publike, vetingu, marrëdhëniet konstruktive me Gjykatën Speciale.
Të krijohet një qeverie gjithëpërfshirëse me afat një vjeçar, me datë të përcaktuar të zgjedhjeve parlamentare të radhës. Sa mua më përket, këtë qeveri mund ta udhëheqë Ramush Haradinaj, Albin Kurti, apo kushdo tjetëir që merr konsensusin maksimal. Por një gjë është e sigurt: mos i zhagisni proceset, vendosni Kosovën mbi të gjitha!”, ka shkruar Pacolli në Facebook.
Mbetet të shihet reagimi i partive ndaj propozimit të Pacollit, nëse do të pranojnë një qeveri me mandate një vjeçar dhe më pas shkuarjen në zgjedhje të reja nacionale. /tesheshi.com/
