Philip Kosnett tha se Shtetet e Bashkuara do të vazhdojnë të mbështesin Kosovën, veçanërisht në përpjekjet për të përmirësuar marrëdhëniet rajonale.
Kryeministri i ri i Kosovës, Avdullah Hoti, foli të premten me ambasadorin amerikan në Kosovë Philip Kosnett për rëndësinë e veprimit të shpejtë në marrëdhëniet me Serbinë.
“Në takimin e parë me kryeministrin Hoti, ne u pajtuam për rëndësinë e veprimit të shpejtë në marrëdhëniet me Serbinë, për përpjekjet e vazhdueshme për të luftuar korrupsionin dhe ringjalljen e ekonomisë pas COVID-19”, ka shkruar Kosnett në Twitter.
Hoti konfirmoi vendosmërinë e qeverisë së Kosovës për të punuar ngushtë me Shtetet e Bashkuara në të ardhmen.
Hoti e informoi Kosnett për përparësitë e qeverisë së re, siç është lufta kundër COVID-19 dhe rimëkëmbja ekonomike, por edhe promovimi i demokracisë, forcimi i shtetit, lufta kundër korrupsionit, rritja e punësimit, zhvillimi i tregut të lirë dhe marrja e përgjegjësisë për dialog.
Kosnett tha se Shtetet e Bashkuara do të vazhdojnë të mbështesin Kosovën, veçanërisht në përpjekjet për të përmirësuar marrëdhëniet rajonale, mbështesin zhvillimin ekonomik dhe forcimin e sundimit të ligjit. /tesheshi.com/
