Qeveria e re e kancelarit austriak Sebastian Kurz, e përbërë nga Partia Popullore Austriake (OVP) dhe të Gjelbrit, kërkon një perspektivë të qartë mbi pranimin në BE për vendet e Ballkanit Perëndimor dhe mbështet dialogun midis Serbisë dhe Kosovës.
Programi qeveritar, në seksionin “Zgjerimi i BE dhe marrëdhëniet e jashtme”, duke theksuar se është e nevojshme një politikë e jashtme e përbashkët “me një zë të bashkuar”, thekson se negociatat e pranimit duhet të hapen pa vonesë , domethënë, ato duhet të përparojnë kur një vend plotëson kritere të caktuara, dhe se të menduarit për një metodologji të re nuk duhet të pengojë procesin.
Austria thuhet se është në favor të fillimit të bisedimeve të pranimit me Maqedoninë Veriore dhe Shqipërinë sa më shpejt të jetë e mundur.
Aty shtohet se Vjena do të vazhdojë të mbështesë në mënyrë aktive vendet e Ballkanit Perëndimor në rrugën e tyre, duke përfshirë edhe zgjidhjen e konflikteve bilaterale.
Në lidhje me këtë, programi i qeverisë thotë se Austria mbështet në mënyrë aktive dialogun Serbi-Kosovë.
Qeveria gjithashtu dëshiron të vazhdojë dialogun me vendet e Ballkanit Perëndimor, përfshirë bashkëpunimin intensiv të parlamenteve.
Vjena zyrtare, siç njoftohet në atë dokument, do të shtyjë më tej procesin për liberalizimin e vizave për Kosovën. /tesheshi.com/
