Premtimet e qeverisë “Rama” për rritje dhe progres kanë nisur të zënë fill. Strategjia e tij në aspektin e “rritjes” është për taksa, detyrimet e qytetarëve vetëm për të nxjerrë para nga xhepi, kurse rrogat dhe të ardhurat janë të vetmet që nuk pësojnë asnjë ndryshim.
Me skemën e re të pensioneve pritet të rritet mosha e daljes së grave në pension, duke nisur nga data 1 janar i vitit të ardhshëm. Kështu, një grua do të dalë në pension në moshën 60 vjeç e 4 muaj, nga 60 vjeç e dy muaj që ishte një vit më parë. Po ashtu, me rritjen e moshës së daljes në pension do të rriten edhe vitet e punës.
Një grua, që të marrë pension të plotë, duhet të ketë 35 vite 8 muaj punë, nga 35 vite e 4 muaj që duheshin në 2015.
Me skemën e re të përllogaritjes së pensioneve i bie që pensioni minimal në qytet të jetë në vlerën e 14. 350 lekë dhe ai maksimal në vlerën e 27. 600 lekë. Formula e re parashikon që pensioni do të përllogaritet në bazë të përqindjes së viteve të punës, bashkë me pensionin social.
Por, ajo që nuk merret asnjëherë parasyshë në këto përllogratitje është fakti se këto gra që të përfitojnë një pension në këtë moshë, duhet që paralelisht të kenë edhe një punë të sigurt e në vijimësi. Në fakt, sot është vështirë të gjejë punë një i ri me universitete e gjuhë të huaja, e jo më një grua rreth të 60-ve./tesheshi.com/
