Qeveria e Kosovës miratoi projektligjin për parandalimin e pastrimit të parave dhe luftimit të terrorizimit dhe financimit të tij.
Ministri i Financave, Avdullah Hoti tha se kjo po bëhet sipas direktivave më të reja të Bashkimit Evropian të vitit 2015.
Ndërsa kryeministri Isa Mustafa ka deklaruar se ky projektligj iu ndihmon si qeveri në luftën për luftimin e korrupsionit, si dhe terrorizmit dhe financimit të tij.
Tej gjuhës zyrtare, po të vihet re me kujdes, më shumë i mëshohet “motiveve europiane” për hartimin dhe miratimin e ligjeve, sesa kërkesave të brendshme, të atij që vijnë nga realiteti i gjërave. Këtë e vërteton deklarimi i ministrit Hoti, teksa sqaron motivet pra për miratimin e ligjit, ndërsa deklarimi i kryeministrit Mustafa mbetet në rend të dytë.
Kjo është diçka mëse e zakonshme tashmë në ligjërimin politik shqiptar, ku veprimet politike në aspektin legjislativ ndërmerren si imponime europiane. /tesheshi.com/
