Qeveria e Kosovës ka miratuar disa vendime në mbledhjen mbajtur sot. Një prej tyre është ndarja e 10 mijë eurove për shërimin e Shpresa Zyberajt, e cila vuan nga sëmundja e kancerit.
“Zyra e Kryeministrit, pasi ka marrë dhe ka trajtuar rastin, propozon që t’i ndahen 9 mijë e 700 euro Shpresa Zyberajt, e sëmurë me kancer. Propozojmë të merren nga rezerva shtetërore dhe t’i barten në llogari”, ka thënë zv.kryeministri Kujtim Shala në mbledhjen e Qeverisë.
Kryeministri Isa Mustafa ka thënë se ka vendosur që këtë ta bëjë këtë dhënie parash përmes mbledhjes së Qeverisë.
Ky është një prej vendimeve të rralla i këtij lloji i marrë nga Qeveria e Kosovës, pasi dihet se nuk janë të pakta rastet e personave të prekur nga kanceri, të cilët kanë nevojë për ndihmën e shtetit. /tesheshi.com/
