Edhe pak ditë dhe në Kosovë do kremtohet përvjetori i 9-të i Pavarësisë. Edhe pse pra nuk është jubile, gjithsesi është bërë tashmë traditë që kjo ditë, pra 17 shkurti, të shoqërohet me aktivitete festive.
Në këtë kuadër, qeveria ka themeluar komisionin organizativ që do drejtohet nga ministri i Kulturës, Kujtim Shala, e që ka për mision të bashkërendojë veprimtaritë zyrtare e festive me përfaqësues nga kryeministria, Ministria e Kulturës, ajo e Brendshme, Forcat e Sgurisë, Komuna e Prishtinës dhe shoqata të ndryshme.
Dhe në vendimin mbi krijimin e komisionit të festimeve, qeveria në mbledhjen e mbajtur ka marrë vendim për ndarjen e 70 mijë eurove për të mbuluar veprimaritë e ndryshme, kulturore e sportive, shumë e cila është ndarë edhe vitin e kaluar.
Kosova shpalli pavarësinë me datën 17 shkurt të vitit 2008, pa qenë kurrë e tillë në historinë e saj. Pavarësia erdhi si pasojë e nevojës për t’u shkëputur nga Serbia, nën të cilin mbeti prej kur ra Perandoria Osmane.
Pavarësia e Kosovës është njohur deri tani nga 111 shtete. /tesheshi.com/
