Mbretëria e Bashkuar autorizoi një studim të pavarur dedikuar persekutimit të të krishterëve për të përcaktuar hapat konkretë për të ndihmuar pasuesit e fesë, të cilët janë viktimë e rritjes dramatike të dhunës në botë, gjykojnë autoritetet.
Rreth 215 milionë të krishterë në mbarë botën, vitin e kaluar u përballën me përndjekje për shkak të besimit të tyre, siç vlerësohet, dhe gratë dhe fëmijët e të krishterëve ishin veçanërisht të prekshëm dhe shpesh të ekspozuar ndaj abuzimit seksual për besimin e tyre.
Vitin e kaluar, për shkak të besimit, mesatarisht çdo muaj u vranë 250 të krishterë, njoftojnë mediat.
“Shpesh, persekutimi është një shenjë paralajmëruese edhe për të gjitha pakicat të tjera”, tha sekretari i jashtëm britanik, Jeremy Hunt.
“Sot i kërkova peshkopit të Tritit të shqyrtojë se si qeveria britanike mund t’i përgjigjet më mirë problemit të të krishterëve të persekutuar anembanë botës. Mund të kemi më shumë”, tha Hunt.
Shqyrtimi do të përfshijë persekutimin e të krishterëve në vendet kyçe të Lindjes së Mesme, Afrikës dhe Azisë – thotë qeveria britanike. /tesheshi.com/
