Ka ardhur menjëherë përgjigja për Lefter Kokën pas akuzave të tij ndaj qeverisë dhe PS-së.
Në aktivitetin e ndarjes së dëshmive të legalizimit në Shijak, Artan Lame kreu i legalizimeve dhe ministrja Eglantina Gjermeni kanë bojkotuar Kokën.
Por ministri i Mjedisit nuk është ndalur.
“Është e thjeshtë si ekonomia e një shtëpie. Nuk mundesh dot në një shtëpi të kërkosh një televizor me ngjyra, kur nuk ke gjërat më bazike për të jetuar.
Dhe shpesh në fakt kjo ka ndodhur në disa qytete të Shqipërisë po ndoshta dhe në bashkinë e Durrësit. Ne sigurisht e duam qytetin të bukur, dhe fasadën e bukur po që të kemi një fasadë të bukur duhet të kemi një rrugë e cila nuk mbytet”, tha Koka.
Por Vangjush Dako, kryebashkiaku i Durrësit nuk ia ka varur shumë, duke treguar se nuk e ha presionin. Në një prononcim për Top Channel, Dako u shpreh:
“S’kam asgjë për të thënë. Nuk i marr seriozisht ato që thotë Koka”. Fiks fraza që e çmend Terin por edhe LSI-në. /tesheshi.com/
