Qeveria amerikane ka për qëllim të kapë 12.6 miliardë dollarë aksione nga tregtari meksikan i drogës Joaquin Guzman, i njohur më mirë si El Chapo, shuma që ai i ka fituar ndër vite.
Prokurori i Gjykatës së Bruklinit vuri në dukje se ishte i autorizuar për të kërkuar konfiskimin e pasurisë së fituar nëpërmjet krimeve për të cilat akuzohet El Chapo lidhur me kontrabandën e drogës.
Sipas llogarive të prokurorëve, lideri i narkotikëve për më shumë se 25 vjet ka fituar 11.8 miliardë dollarë nga shitja e kokainës, 846 milionë dollarë nga marihuana dhe 11 milionë dollarë nga heroina.
Këto para u ndanë dhe u përdorën për pagesën e bashkëpunëtorëve dhe të punësuarve në kartel, e gjithashtu u blenë me to aeroplanët dhe nëndetëset e përdorura për kontrabandën e drogë.
Një ish-bashkëpunëtor i paidentifikuar i El Chapos, i tha gjykatës se ai jetonte në luks në vitet 1990, kur kishte katër aeroplanë, shtëpi në shumë plazhe, prona të ndryshme në Meksikë dhe një vendbanim në Acapulco.
Tani është e panjohur nëse ish-bosi i drogës ende zotëron të njëjtën pasuri pas arrestimit në janar të vitit 2016 dhe nëse ka transferuar një pjesë të saj te familja dhe miqtë.
Mocioni i prokurorisë u paraqit para seancës së caktuar për 17 korrik, në të cilën El Chapo, i cili ishte paralajmëruar me burgim të përjetshëm, duhet të dënohet.
El Chapo është në burgun e Nju Jorkut që nga ekstradimi i tij më 19 janar 2017.
Ai u arrestua në janar 2016 në Meksikë dhe u ekstradua në Shtetet e Bashkuara një vit më vonë, sipas një aktakuze për trafik droge, vrasje, rrëmbim dhe vepra të tjera penale. /tesheshi.com/
