Zyra e kryeministrit grek njoftoi se ai foli përmes telefonit me presidentin turk sot pas muajsh në rritje të tensioneve midis dy vendeve të tyre, raporton AP.
Kyriakos Mitsotakis dhe Rexhep Tajip Erdogan diskutuan mbi pasojat e virusit koronar dhe mundësinë e rihapjes së kufijve dhe vizitave turistike pas lehtësimit të ndalimeve të vendosura për shkak të pandemisë, tha kabineti i Mitsotakis.
Ata “ranë dakord të mbajnë kanale të hapura të komunikimit dypalësh”, tha zyra e kryeministrit grek në një deklaratë.
Ka pasur një tension të madh muajt e fundit midis dy fqinjëve dhe aleatëve të NATO-s.
Greqia ka akuzuar Turqinë për përdorimin e migrantëve për të bërë presion mbi të, pasi Ankaraja njoftoi në fund të shkurtit se kufijtë e Turqisë me Bashkimin Evropian ishin të hapura për këdo që dëshironte ta kalonte atë.
Mijëra refugjatë dhe migrantë u mblodhën në kufirin turk me Greqinë, duke kërkuar që ata të lejohen të kalojnë në prani të ushtrisë dhe policisë turke. Megjithatë, ky nuk ishte rasti në kufirin e Turqisë me Bullgarinë, gjithashtu një anëtar i BE.
Greqia dhe Turqia janë gjithashtu në përplasje mbi të drejtën për të eksploruar naftë dhe gaz në Mesdhe dhe çështjet territoriale në Detin Egje që i ndajnë ato.
Të dy vendet kanë ardhur në prag të luftës tre herë që nga mesi i viteve 1970.
Sipas një zyrtari në Athinë të njohur me bisedën e sotme Mitsotakis-Erdogan, ata nuk diskutuan asgjë rreth mosmarrëveshjeve, por ranë dakord që niveli i tensionit midis vendeve të tyre është shumë i lartë dhe se komunikimi i drejtpërdrejtë në nivelin më të lartë do të jetë i dobishëm e duhet të vazhdojë.
Ata u përqëndruan në marrëveshjet e BE-së për qasjen e shtetasve të vendeve të treta kur kufijtë të hapen për turistët.
Zyrtari, i cili nuk dëshiron që emri i tij të zbulohet, tha se në parim, Greqia nuk kundërshton përfshirjen e Turqisë në listën e vendeve, qytetarët e të cilëve do të kishin hynin në BE. /tesheshi.com/
