Qetësia ka rënë në vendin ku vetëm dy ditë më parë qëndronin me mijëra refugjatë që prisnin të kalonin për në Serbi, ndërsa autoritetet maqedonase mbyllën kufirin dhe përdorën edhe dhunën për të mos lejuar ata të hynin në territorin e Maqedonisë.
Vendimi i Shkupit, duket i marrë si masë për të mos lejuar përshkallëzimin e dhunës pas kritikave që mbërritën nga BE dhe organizatat e shoqërise civile, ka bërë që më shumë se 1.500 refugjatë, kryesisht sirianë, të hyjnë në vend dhe policia të mos ndërhyrjë.
Megjithëse në drejtim të Serbisë janë nisur një numër i madh njerëzish, ende në Gevgelija janë duke pritur të tjerë, që mbërrijnë grupe-grupe nga Greqia.
Policia ka lëshuar që prej së shtunës rreth 4 mijë dokumente për kalimin e refugjatëve drejt Serbisë.
Kufiri me Greqinë qëndroi i mbyllur për tri ditë dhe skenat dramatike që ndodhë, bënë xhiron e botës dramatike. Mijëra njerëz kaluan natën pa ushqim dhe nën shiun e fortë.
Pasi 2 mijë refugjatë thyen gardhin e policisë të shtunën, kjo e fundit e hoqi atë krejtësisht. /tesheshi.com/
