Vietnamezja Doan Thi Huong, e cila u gjykua për ezkekutimin e një gjysmë vëlla të largët të udhëheqësit të Koresë së Veriut, u lirua nga një burg malajzian pas më shumë se dy vjetësh.
Avokatët e Huong thanë se ajo pritej të merrej në zyrën e emigracionit përpara se të kthehej në Vietnam më vonë gjatë ditës, njoftoi AP.
Huong, 30 vjeçe, u deklarua fajtore për një akuzë të vogël për lëndime pasi prokurorët hodhën poshtë akuzën për vrasje.
Ajo u dënua me 40 muaj burg.
Bashkë me të u akuzua dhe një shtetase tjetër indoneziane, e cila u lirua në mars pasi prokurorët dhe në këtë rast tërhoqën padinë për vrasje.
Që të dyja thuhet se u përfshinë në një marrëveshje të fshehtë me katër qytetarë të Koresë së Veriut për vrasjen e Kim Jong-nam me një agjent nervor. Substanca u hodh në fytyrën e tij në aeroportin ndërkombëtar të Kuala Lumpurit më 13 shkurt 2017. Ato u mbrojtën më pas duke thënë se po mendonin që gjithçka bënë ishte pjesë e një shakaje të padëmshme për një shfaqje televizive.
Katër të dyshuarit e Koresë së Veriut u arratisën nga Malajzia në të njëjtën ditë kur Kim u vra.
Kim Jong-nam ishte djali më i vjetër në brezin aktual të familjes në pushtet të Koresë së Veriut. Ai jetonte jashtë vendit për vite, por mund të shihej si një kërcënim për mbretërimin e Kim Jong-un. /tesheshi.com/
