Një episod me kurajë të madhe dhe besnikëri maksimale ka ndodhur në Uttar Pradesh, në veri të Indisë, ku një qen është hedhur mes kthetrave dhe dhëmbëve të një tigri për të mbrojtur pronarin e tij. Gurdev Singh, një banor i zonës, u sulmua nga tigri ndërsa flinte jashtë shtëpisë së tij. Tigri kishte arritur të shpëtonte nga kafazi në një park kombëtar.
Burri arriti të shpëtojë jetën e tij falë sakrificës heroike të qenushes Jacky, e cila u fut mes dhëmbëve të tigrit dhe Gurdevit, çka i dha kohën e duhur burrit të largohej dhe të jepte alarmin për atë që po ndodhte.
Ndërkohë që burri arriti t’ia mbathte, tigri arriti të vriste Jackyn dhe e mori me vete. Trupi u gjet më pas nga banorë të tjerë të zonës dhe e çuan qenin në shtëpinë e familjes Singh. Qenushja ishte marrë në rrugë katër vite më parë nga familja e Gurdev dhe sakrifica e tij i preku fëmijët. “Do të doja që njerëzit të mësonin t’i donin të tjerët dhe ta mbronin njëri-tjetrin, sikurse bëri qenushja ime”, – tha Gurdev Singh./tesheshi.com/
