Një qen në Shtetet e Bashkuara të Amerikës, është kthyer në hero pasi i ka shpëtuar jetën të zotit të tij nga i ftohti.
Burri nga Michigan, i njohur me emrin Bob, u rrëzua dhe theu qafën për shkak të ngricave, por shpëtoi falë qenit të tij, i cili qëndroi i shtrirë në dëborë me të për të paktën 24 orë.
Qeni i quajtur Kelsey, ishte shtrirë mbi të dhe e kishte mbajtur atë ngrohtë gjatë natës, duke shkuar më pas për të kërkuar ndihmë.
Bob kishte dalë nga shtëpia natën e Vitit të Ri për të marrë dru por fatkeqësisht ishte rrëzuar.
Kelsey ishte shtrirë mbi të dhe e kishte mbajtur zgjuar duke i lëpirë duart dhe fytyrën.
Fqinjët e tij e zbuluan më pas atë pasi dëgjuan të lehurat e qenit dhe thirrën shërbimet emergjente.
Kur Bob arriti në spital, temperatura e tij trupore ishte nën 21 gradë Celsius.
Temperatura normale e trupit është 37 gradë Celsius dhe hipotermia ndodh kur temperatura trupore bie nën 35 gradë./tesheshi.com/
