Një çift në Olbia të Italisë, kishin dalë për të festuar jashtë shtëpisë ndërrimin e viteve, por kur janë kthyer kanë mbetur të shokuar teksa kanë parë shtëpinë e mbuluar me gjak.
Fillimisht ata menduan më të keqen, që qeni i tyre i racës pastor, ishte zhdukur.
Të zotët e qenit menjëherë kanë bërë apel në Facebook për gjetjen e qenit të tyre, pasi dyshuan se ishte sulmuar nga dikush, por e vërteta qëndronte ndryshe.
Zelda u gjet më shëndet të plotë dhe pa plagosje e jo siç mendohej në fillim.
Gjaku përtokë nuk ishte i qenit, por i një hajduti, i cili kishte hyrë në shtëpi për të vjedhur.
Pasi ka hyrë në shtëpinë e mbetur bosh nga të zotët, ai është sulmuar nga qeni i cili më pas është larguar duke lënë gjurmë gjaku, siç shihet në foto./tesheshi.com/
