Kreu i SPAK-ut Altin Dumani paraqiti në Këshillin e Lartë të Prokurorisë raportin e punës për vitin 2023. Aty ai deklaroi se SPAK tregoi se është në gjendje të hetojë cilindo subjekt, pavarësisht statusit të tij publik apo financiar.
Teksa e krahasoi SPAK me një fëmijë që sa ka nisur të ecë, Dumani kërkoi që Prokurorisë së Posaçme t’i jepet më shumë kohë për të arritur atë që ishte qëllimi i krijimit të saj: dhënia fund e pandëshkueshmërisë.
Për ilustrim të kësaj, ai tha se ndaj zyrtarëve të nivelit të lartë për herë të parë janë regjistruar tetë procedime penale me 18 persona në hetim “me funksione si ish-ministër Shëndetësie, ish-gjyqtar Apeli, Kryetar Bashkie, ish-Kryeministër, ish-ministër Finance, ish-ministër Mjedisi, ish-prokuror etj”.
Ai bëri me dije se ajatë vitit 2023 janë ngritur 10 skuadra të reja të përbashkëta hetimore, ndërsa hetimet vijojnë me 25 skuadra të përbashkëta hetimore me Italinë, Franca, Maqedonia e Veriut e Kosova. Ndërkohë përfaqësues të DEA-s dhe FBI-së janë atashuar pranë SPAK-ut.
Si tregues tjetër të punës së SPAK, Dumani përmendi konfiskimet.
“41 milionë euro është vlera e pasurive të sekuestruara e konfiskuara në vitin 2023. Nga të cilat 54% e zënë pasuritë e konfiskuara në vlerën e 22.5 mln euro dhe 46 % të sekuestruara në vlerën 19 milionë euro”, tha Dumani. /tesheshi.com/
