Opozita sulmoi kryeministrin Edi Rama pas deklaratave mbi fitoren e Donald Trump, si president i SHBA-ve. Deputeti demokrat, Astrit Patozi u shpreh në Kuvend se qëndrimi i Ramës do ta konsiderojë Shqipërinë jo serioze. “Shpresoj të mos e marrë vesh Trump deklaratën e Ramës. Ai ishte përgatitur se çështja Trump do t’i përmendej nga opozita në Parlament. Dhe mesa duket i kishte marrë masat, për t’i kujtuar opozitës se jo me fjalë, por me vepra, edhe ajo kishte treguar se preferonte Hillari Klinton. Kur flisja une për kandidatin Trump, këta ishin të zënë me konventen e kandidates tjetër”, tha ai.
Nga ana tjetër, vetë kryeministri e cilësoi si qesharake qëndrimin e opozitës, lidhur me fjalimin e një dite më parë për Trump.
“Kam kritikuar një kandidat dhe jo presidentin, por këta lëshohen nëpër banaqe të më sulmojnë mua sikur janë çunat e lagjes që u ka dalë vëllai i madh nga burgu dhe i thotë shikojini ca do t’ju bëj. Unë përsa kohë do jem ky që jam, nga asgjë tjetër përvec dinjitetit të shqipërisë të drejtoj si kryeministër. Ky vend mund të jetë i varfër por jo gojëkycur e në gjunjë”, tha Rama./tesheshi.com
