Komisioneri për zgjerim Oliver Varhelyi mbrojti me finesë ndryshimet në Kodin Zgjedhor të kundërshtuara nga opozita, sidomos presidenti Meta, duke thënë se janë në rregull nëse nuk cenojnë koalicionet, edhe paszgjedhore.
“Sa i përket reformës, ne po analizojmë votimin për çfarë është votuar.
Duke u bazuar tek debati që është bërë gjatë gjithë procesit të votimit në Kuvend, duket se ka të bëjë me një çështje në thelb: përsa kohë që koalicionet paszgjedhore nuk do ndalohen, atëherë ne mund ta shikojmë atë me një mendje të hapur por nuk mund të kufizojmë të drejtat e të zgjedhurve më parë. Kjo është kyçe.
Për 5 qershorin ajo ishte shumë e rëndësishme dhe të gjitha palët”, tha Varhelyi në një konferencë për shtyp me kryeministrin Rama.
Ky i fundit vlerësoi zyrtarin e lartë të Brukselit, duke thënë se është prej atyre që flet troç.
“Që në sekondën e parë të fillimit të punës, komisioneri ka qenë një mbështetës i pakursyer i të gjithë vendeve të Ballkanit dhe i Shqipërisë në procesin e përshpejtimit të rrugës së çeljes së dyerve për të negociuar anëtarësimin në BE.
Ai ka treguar ndershmërinë e tij të thënit të gjërave ashtu siç janë, qoftë kur do na i thotë neve, qoftë kur i thotë për ne në Bruksel”, tha Rama. /tesheshi.com/
