Akti i parë ndëshkues që PS ka ndërmarrë ndaj deputetes së saj Mimoza Hafizi, e larguar së bashku me Blushin duke formuar një tjetër parti, ka qenë largimi si sekretare e komisionit parlamentar të medias duke u zëvëndësuar nga Fatmir Toçi.
Siç mësohet, gjatë gjithë votimeve në atë komision Hafizi ka dhënë votën e saj kundër mazhorancës, kjo që nga dita kur kishte shpallur vijën e saj politike kundër Ramës
Akte të ngjashme politike “anti-parti” ndërmerrnin edhe gjatë opozitës deputetë të zemëruar me Ramën, si Islami, Dogjani, por dhe Blushi ndonjëherë, ku dy të parët madje kalua tërësisht në kampin demokrat, pasi e mbajtën me “votë socialiste” Berishën në qeverisje deri në fund të mandatit.
Por ndërkohë, as Blushi e as Hafizi nuk kanë dhënë shenja se do e dorëzojnë mandatin e deputetit, marrë nga listat e mbyllura të ish-partisë së tyre. Ligjërisht nuk kanë asnjë detyrim ta bëjnë një gjë të tillë. Moralisht po. /tesheshi.com/
