Dashuria e femrave për të bërë “shopping” mund të krahasohet vetëm më një gjë: me urrejtjen e meshkujve . Kështu, një qendër tregëtare ka krijuar një “fole për bashkëshortët”, ku burrat mund të relaksohen gjatë kohës që gratë e tyre vizitojnë dyqanet e bëjnë blerje.
Kjo ide i lindi një qendre tregëtare në Shangai, e cila e ka marrë idenë nga këndi i fëmijëve, ku prindërit i lënë fëmijët gjatë kohës që bëjnë blerjet. Ideja është se në këtë mënyrë burrat nuk do të vuajnë duke bërë xhiro të stërzgjatura nëpër qendra tregëtare dhe dyqane të çdo lloji. Kjo mos t’ju duke e tepërt, pasi një kinez ka vrarë veten nga depresioni kur i kishte ardhur në “majë të hundës” nga blerjet me orë të gjata me gruan e tij.
Por pa qenë nevoja të shkojmë tek rastet ekstreme, mund të përmendim një studim anglez i cili ka treguar se mesatarisht një burrë arrin të durojë e shumta 26 minuta blerje. 80% e tyre i urrejnë blerjet me bashkëshortet e tyre, ndërsa 45% e pranojnë së bëjnë çdo gjë që ta shmangin këtë.
Në këndin e krijuar pë burrat mund të shikohet tv, të lexohet, apo thjesht qëndrohet ulur, por edhe flihet.
Përfitimi i kësaj është shumë i qartë: burrat do të mund t’i shoqërojnë gratë e tyre më shpesh për të bërë “shopping”. /tesheshi.com/
