Qëllohet me plumb në kokë biznesmeni, dyshohet për hakmarrje

Një atentat ka ndodhur sot në Tiranë në orët e pikut të lëvizjes së qytetarëve, pikërisht në një zonë shumë të populluar pranë stadiumit “Selman Stermasi”.
Viktima është Tefik Hyka, pronari i fabrikës së tullave në Vorë.
Ai po lufton me jetën në spitalin e traumës.
Mjekët thonë se ka marrë dy plumba, në kokë dhe në kraharor.
Atentati është kryer nga dy persona që po udhëtonin me motor dhe policia në kohë rekord ka arritur të ndalojë autorët e këtij krimi.
Mendohet se arsyet e atentatit të kenë lidhje me një hakmarrjeje.
Gazeta Shqiptare skruan se emri i biznesmenit të qëlluar sot të çon në një zinxhir vrasjesh që e kanë zanafillën në vitin e largët 1995 dhe me vrasjen e të fortit të Shijakut Dritan Avdyli.
Në vitin 1995 Tefik Hyka u përfshi në vrasjen e të fortit të Shijakut Dritan Avdyly. Njeriu i Hykës një person nga ‘4 Rrugët e Shijakut’ futi në kurth Dritan Avdylin i cili u vra nga vrasësi me pagesë Durim Kusi.
Kjo ngjarje do të pasohej nga një seri vrasjes. Njeriu që çoi në pritë Dritan Avdylin do të eleminohej në mes të Shijakut nga djali xhaxhait të Dritan Avdylit. Ndërsa disa vite më pas Durim Kusi do të eleminohej në Tiranë nga djali tjetër i xhaxhait të Dritan Avdylit./tesheshi.com/