Pak orë pas vrasjes së ambasadorit rus në Ankara, një tjetër incident ka pasuar në kryeqytetin turk. Një person ka qëlluar me armë para ambasadës amerikane në të gdhirë të së martës.
Personi ka qëlluar tetë apo nëntë herë me armën e tij, por pa lënduar askënd. Ai është arrestuar nga forcat turke të sigurisë, që kanë rrethuar zonën.
Për incidentin ka një hetim në vijim, ndërsa misionet amerikane në Turqi do të mbyllen sot.
Ambasada amerikane ka njoftuar se selia e saj në Ankara, si dhe dy konsullatat e saj, në Stamboll e Adana, do të jenë të mbyllura gjatë ditës së sotme për veprimtarinë e tyre normale.
Dy incidentet vijnë në një moment të vështirë për Turqinë, të tronditur gjatë ditëve të shkuara nga shpërthimet terroriste në Stamboll e Kajseri, që lanë pas dhjetëra të vdekur e qindra të plagosur. /tesheshi.com/
