Protestuesit kundër Donald Trump si President i ardhshëm i Amerikës janë qëlluar me armë nga policia mëngjesin e sotshëm në Portland të Oregonit. Si pasojë një person ka ngelur i plagosur dhe është transportuar për në spital, ku ndodhet jashtë rrezikut për jetën.
Një nga protestuesit, Cameron Whitten u shpreh për mediat vendase se kishte parë katër burra të cilët dilnin nga një makinë dhe njëri prej tyre mbante në dorë një armë. “Grupi u fut dhe doli sërish nga makina. Brenda pak minutash, burri që kishte armën në dorë qëlloi pesë apo gjashtë herë në ajër”,- tha Whitten.
“Pash dikë që u rrëzua në tokë dhe më pas ata u larguan. Nuk e di se kush ishte viktima, por pashë se u mbulua nga gjaku dhe vijonte të merrte frymë”, – ishin fjalët e Whitten, i cili tregoi live në Facebook të gjithë momentin e ngjarjes. Ai filloi të filmonte kur pa dikë që ndodhej mbi një urë, ndaj edhe nisi të bënte Live Video në Facebook./tesheshi.com/
