Një skicim i presidentit të Afrikës së Jugut Nelson Mandela, ku paraqitet dera e qelisë së burgut ku kaloi 18 vjet, u shit në Nju Jork për 112,575 dollarë.
“Porta e qelisë, Robben Island”, e përfunduar në vitin 2002 nga laureati i paqes, tejkalonte parashikimet e shtëpive të ankandeve që paracaktuan çmime prej 60,000 deri në 90,000 dollarë.
Vizatimi me pastela të dyllit tregon hekurat e derës së qelisë dhe një çelës në dry. Punimi ishte i skicuar me ngjyrë vjollcë. Kjo është një nga të paktat skica që punoi Mandela – i cili u burgos për 27 vjet pasi frymëzoi luftën kundër aparteidit.
Vajza e Mandelës, Pumla Makaziue Mandela, e kishte pasur në posedim veprën artistike të të atit.
Presidenti i parë me ngjyrë në Afrikën e Jugut bëri 25 vizatime gjatë jetës së tij, sipas Giles Peppiatt, drejtoreshë e Shtëpisë së Ankandit të Artit Afrikan. Disa u riprodhuan si litografi për të mbledhur para për Fondacionin Nelson Mandela.
Mandela u mbajt në burg nga 1962-ta deri në 1990-tën. Pas lirimit, shërbeu si president i Afrikës së Jugut nga viti 1994 deri në vitin 1999. /tesheshi.com/
