Këto ditë, publiku austriak po shikon lajmet në lidhje me party-t e fshehta në vendpushimin e skive në St. Anton, dhe qendrat e tjera të dimrit në Tirolin perëndimor, duke marrë parasysh se ky rajon ishte një nga pikat nga e cila u përhap koronavirusi në të gjithë Evropën dimrin e kaluar.
Festat e fshehura mirë në të gjithë Tirolin, ku qindra turistë të huaj po qëndrojnë këto ditë, kanë mërzitur dhe shqetësuar publikun.
Pavarësisht ndalimeve dhe kufizimeve të shumta, duket se njerëzit ende po gjejnë një mënyrë për t’u mbledhur dhe për t’u argëtuar, e kjo duket pas disa fotove të party-ve dimërorë që po përhapen në rrjetet sociale, edhe pse janë zyrtarisht të ndaluara.
Të martën, Agjencia Sllovene e Lajmeve (STA) konfirmoi se rastet e para të infeksionit kishin ndodhur, duke cituar burime austriake. Thuhet se, qendra e party-ve të ndaluara është vendpushimi elitar i skive i St. Anton, ku dhe kryetari i këtij qyteti shprehu publikisht pakënaqësinë e tij.
Konkretisht, Helmut Mal tha se këshillat po qarkullojnë në internet se si të shmangen ndalimet dhe kufizimet që janë në fuqi, dhe si të shkohet në këtë qendër skijimi pa ndonjë problem.
Ai veçanërisht sulmoi atë që e quajti “dele të zezë” në mesin e popullatës së këtij vendi, të huajt, që sipas tij lejohen të regjistrojnë vendbanimin e tyre me një justifikim fiktiv për të kërkuar një punë, edhe pse nuk ka punë në turizëm për shkak të sezonit të ulët.
Për shkak të të gjithë situatës, policia aktualisht po forcon kontrollet në mënyrë që të parandalojë “adhuruesit e party-ve” të mundshme që të mblidhen në vende të fshehta.
Gjithashtu, autoritetet në Tirol janë të shqetësuar sepse është vërtetuar ekzistenca e disa rasteve të llojit të koronavirusit nga Afrika e Jugut, i cili është edhe më ngjitës se ai ekzistues britanik.
Të paktën 7 raste të tilla janë konfirmuar në vendpushimin e skive Zillertal (40 km nga Innsbruck), dhe dyshohet se mutacioni ka ardhur në Tirol përmes turizmit të skive, dmth që është sjellë nga turistë nga Gjermania.
Kjo është arsyeja pse spekulohet se vendpushimet e skive janë një vatër e mundshme, ashtu si ishin sezonin e kaluar, raporton STA. /tesheshi.com/
