Në vitin 2011, Lulzim Basha, sot kryetar i PD, dhe në atë kohë kryebashkiak i Tiranës, do të fliste për ndërtimin e një tranvaji në kryeqytet, i cili ngeli thjesht si një deklaratë në kohë fushate. Për një kohë të gjatë, deklarata e Bashës u interpretua në forma të ndryshme, madje u prodhuan edhe shumë batuta politike.
Por sot një tjetër kryebashkiak, këtë rradhë i Partisë Socialiste, ka hedhur idenë për ndërtimin e një tramvaji në qytetin që drejton.
Bëht fjalë për Qazim Sejdinin, kryebashkiakun e Elbasanit, i njohur ndryshe edhe si Lala, për shkak të viteve të shumta që ka në krye të qytetit.
Gjatë një takimi me përfaqësues të OKB-së, Lala nuk ka nguruar të kërkojë mbështetjen për ndërtimin e tramvajës në këtë qytet.
Kjo kërkesë duket se është argumentuar me transportin e së ardhmes dhe modernizimin e transportit publik.
Por duket se kërkesa e Qazim Sejdinit ka hutuar përfaqësuesit e OKB, të cilët as e kanë pohuar dhe as e kanë mohuar mbështetjen, por kanë ftuar kryebashkiakun për të diskutuar në zyrat e tyre.
Në një qytet si Elbasani, ku ka problem të shumta, që nisin me papunësnë dhe varfërinë, kërkesa për tranvaj, ndoshta i ka gjetur të papërgatitur përfaqësuesit e OKB-së.
Elbasani është qyteti i katërt për nga madhësia, pas Tiranës, Durrësit dhe Fierit. Dhe përderisa në këto qytete idetë për tranvajë kanë mbetur thjesht në letra, vështirë se në Elbasan mund të konkretizohen.
Gjithsesi koha do të tregojë nëse kjo kërkesë apo dëshirë e kryebashkiakut me numrin më të madh të mandateve, do të gjejë ose jo zbatim. /tesheshi.com/
