Nuk u kuptua pse doli nr. 2 i Policisë së Shtetit dje për rastin e aksidentit tragjik me shuarjen e një familjeje në aksin Fier – Vlorë për të na thënë ca gëra që s’i duhen askujt.
Fraza të tilla, me theks të fortë zyrtar dhe pa shpirt, shtamp dhe shterpë, ishin të tepërta. Sikur të mos ishin, e njëjta gjë do ishte.
“Dua të siguroj gjithë familjarët dhe të afërmit, si dhe opinionin publik, se aksidenti i sotëm po hetohet me kujdesin maksimal për të nxjerrë të gjitha përgjegjësitë në këtë rast tragjik.
Së treti, dua të theksoj se angazhimi ynë maksimal në terren ka nevojë për mbështetje, për mirëkuptimin dhe ndërgjegjësimin e të gjithë drejtuesve të mjeteve.
Së fundmi, dua t’i siguroj të gjithë se Policia e Shtetit do të vijojë të përforcojë masat, jo në funksion të ndëshkimit si qëllim, por për të mos lejuar që drejtuesit e mjeteve t’i kthejnë këto të fundit në rrezik real për veten dhe qytetarët e tjerë”, tha në një deklaratë Zv.drejtori i Përgjithshëm i Policisë së Shtetit, Albert Dervishaj.
Në vend të tyre, do ishte mirë t’im kishte thënë opinionit fjala vjen se ç’bëhet me rastin e atij që në mes të Tiranës, në mes të ditës, me mbi 100 në orë, kaloi me te kuqe në semafor dhe vetëm fati i madh që s’morri jetë para ose pas përplasjes me një Skoda. Pra, është fjala për të riun Stiven Dashi.
Ç’bëhet me të sot? Ja, këtë të dilte e të thoshte z. Dervishi, e jo që dhimbjes e trishtimt të një shoqërie të tërë t’i shtonte dhe idiotësitë zyrtare për të cilat s’ja ndjen askujt. Madje të irritojnë. Sepse ajo çfarë mund të bëje shteti sot, policia në këtë rast, është të bërit shembull të njërit apo disave. Pra, thjesht të na thotë se ç’bëhet sot me të riun Stiven Dashi? Ai është më ai në timon? A i është dhënë më patenta? Pse jo, a është në burg? /tesheshi.com/
