Dmitry Peskov, zëdhënësi i Kremlinit, u ka deklaruar gazetarëve të hënën se sentimentet kundër Putinit kanë arritur pikën e vlimit në Perëndim, e është bërë e pamundur të flitet për Rusinë në një mënyrë pozitive.
Siç rrëfen Russia Today, Peskov ka artikuluar këto fjalë para gazetarëve: “Eshtë e qartë se shkalla e Putinofobisë ka arritur në pikën ku është e pamundur të flasësh mirë për Rusinë apo për ca prej aksioneve ose sukseseve të saj. Dikush kërkon të flasë me terma negativë [mbi Rusinë], dhe kur nuk ka asgjë për të thënë, duhet të sajohen gjëra.”
Zëdhënësi e hedh poshtë çdo përfshirje të presidentit rus në skandalin financiar të saposhpërthyer. “Nuk ka asnjë informacion [të thellë] në lidhje me presidentin, vetëm disa insinuata, spekulime, reflektime, që nuk kërkojnë përgjigje.”
“Ndërsa Putin nuk shfaqet gjëkundi i mbështetur nga ndonjë fakt, është e qartë për ne se objektivi kryesor prapa ‘rrjedhjeve’ të tilla ka qenë dhe është akoma presidenti ynë,” ka qenë i mendimit Peskov.
Në dokumentet e bëra publike, e të njohura tashmë si “Panama Papers”, ndeshen emrat e bashkëpunëtorëve të presidentit rus, që pretendohet të kenë fituar miliona përmes makinacioneve financiare e me mbështetjen e tij. /tesheshi.com/
